Remi Vulvsa i Evertona: Jedni i drugi po jednom u metu
U posljednjoj utakmici današnjeg programa u okviru 28. kola engleske Premijer lige, Vulverhempton i Everton su večeras igrali…
U posljednjoj utakmici današnjeg programa u okviru 28. kola engleske Premijer lige, Vulverhempton i Everton su večeras igrali neriješeno, 1:1.
Gosti su poveli u 33. minutu meča, kada je Lindstrom sa desne strane pronašao Harisona na lijevoj strani. On je prihvatio loptu na ivici kaznenog prostora, krenuo korak-dva naprijed i zatim uputio snažan i precizan udarac u lijevi donji ugao gola golmana Žozea Sa – 0:1.
Samo sedam minuta je potrajalo ovo vođstvo Evertona. A onda, brz napad Vulvsa, Belegard je kroz sredinu ”pocjepao” odbrambeni bedem gostiju i pronašao Munetsija koji je sa oko šest metara udaljenosti pogodio mrežu za izjednačenje na 1:1.
Tim rezultatom se ušlo u drugo poluvrijeme. Vulverhempton je imao znatno veći procenat posjeda lopte, ali to domaćima večeras nije mnogo pomoglo.
Everton je mogao do vođstva u 72. minutu, kada je Beto istrčao kontru, uputio udarac po zemlji, ali golman Žoze Sa odlično intervenisao. Do kraja bez većih uzbuđenja, pa gosti odnose bod sa ”Molinoa”.
Vulvsi i Everton su remizirali , a u ostalim utakmicama dana postignuti su ovi rezultati:
Notingem Forest – Mančester Siti 1:0
Brajton – Fulam 2:1
Kristal Palas – Ipsvič 1:0
Liverpul – Sautempton 3:1
Brentford – Aston Vila 0:1
Sve vijesti iz engleske Premijer lige pronađite OVDJE.
Koja je vaša reakcija?
