Po gol i po bod: Espanjol i Đirona polako tonu ka borbi za opstanak
Fudbaleri Espanjola i Đirone remizirali su rezultatom 1:1 u posljednjem meču 27. kola La Lige. Poslije prvih 45…

Fudbaleri Espanjola i Đirone remizirali su rezultatom 1:1 u posljednjem meču 27. kola La Lige.
Poslije prvih 45 minuta nije bilo golova, iako je Đirona bila konkretnija i imala čak devet udaraca ka golu domaćina. U nastavku je uslijedila kazna, Espanjol je u 49. minutu poveo golom Hofrea poslije asistencije Gonzalesa.
Đirona se nije predavala, a do boda je došla tek pošto je ušao veteran Kristijan Stuani. On je na teren ušao zajedno sa Portuom, a Đirona je izjednačila u 86. minutu, Stuani je pogodio iz penala za konačnih 1:1.
Đirona je krenula u ofanzivu, ali je domaćin uspio da se odbrani i osvoji važan bod. Đirona je vezala i petu utakmicu bez pobjede i sada je 13. sa 33 boda, dok je Espanjol 15. sa 28, ali Alaves koji je u zoni ispadanja ima samo dva manje, tako da nas do kraja očekuje žestoka borba za opstanak. U narednom kolu Đirona dočekuje Valensiju, dok Espanjol gostuje ekipi Majorke. Sve vijesti iz španske LA Lige pronađite OVDJE.
Koja je vaša reakcija?






